ស្ថានីយ៍ជញ្ជីងថ្លឹងរថយន្តផ្លូវជាតិលេខ៥នៅចំណុចភូមិពុកឆ្មា ឃុំអន្លង់វិល ស្រុកសង្កែខេត្តបាត់ដំបង ត្រូវបានក្រុមអ្នករកស៊ីដឹកទំនិញឆ្លងកាត់មិនពេញចិត្តចំពោះការដាក់កំហិតយកលុយទាំងយប់ទាំងថ្ងៃមិនត្រូវតាមច្បាប់កំណត់
បាត់ដំបង៖ កាលពីថ្ងៃទី១៩ ខែកុម្ភៈ ឆ្នាំ២០២៥ អង្គភាពសារព័ត៌មានមាតុភូមិបានចុះផ្សាយពីស្ថានីយ៍ថ្លឹងរថយន្តនៅចំនុចភូមិពុកឆ្មា ខេត្តបាត់ដំបងក្រោមចំណងជើងថា «តើលោក ហេង ប៊ុនលី មេជញ្ជីងថ្លឹងឡាន នៅផ្លូវ ជាតិលេខ៥ ក្នុងអាណាចក្រ ខេត្តបាត់ដំបង មានសិទ្ធិអំណាចអ្វីហាមឃាត់រារាំងអ្នកកាសែតមិនឱ្យថតទីតាំងស្ថានីយ៍ជញ្ជីងថ្លឹងរថយន្ត?» សារព័ត៌មានអំណាចខ្មែរ «លោក ហេង ប៊ុនលី ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៥ នៅចំណុចភូមិពុកឆ្មាឃុំអន្លង់វិលស្រុកសង្កែខេត្តបាត់ដំបងប្រែក្លាយទៅជាជញ្ជីងថ្លឹងលុយទាំងយប់ទាំងថ្ងៃមិនញញើតអ្វីទាំងអស់អាងខ្នងប្រធានមន្ទីរសាធារណការខេត្តបាត់ដំបង» បានចុះផ្សាយកាលពីថ្ងៃទី៥ ខែមីនា ឆ្នាំ២០២៥នេះ។
យោងតាមផេកមន្ទីរព័ត៌មានខេត្តបាត់ដំបងបានចេញវីដេអូបំភ្លឺកាលពីថ្ងៃទី១៧ ខែធ្នូ ឆ្នាំ២០២៤ (សូមស្តាប់និងទស្សនាវីដេអូរទាំងស្រុង)
យោងតាមប្រភពពីក្រុមអ្នករកស៊ីដឹកទំនិញឆ្លងកាត់ផ្លូវជាតិលេលេខ៥ តែងតែរអ៊ូរទាំអំពីករណីមន្ត្រីដែលប្រចាំការនៅស្ថានីយ៍ថ្លឹងរថយន្តនៅចំណុចផ្លូវជាតិលលេខ៥កាលពីថ្ងៃទី១៩ ខែកុម្ភៈ ឆ្នាំ២០២៥ថា លោក ហេង ប៊ុនលី ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៥ នៅចំណុចភូមិពុកឆ្មា ឃុំអន្លង់វិលស្រុក សង្កែ ខេត្តបាត់ដំបង ជញ្ចីងថ្លឹងរថយន្តនេះ ទោះបីជាមិនលើសទម្ងន់ ក៏មន្ត្រីនៅស្ថានីយ៏ជញ្ជីងថ្លឹងរថយន្តដែលប្រចាំការនៅទីនោះសុំលុយថ្លៃបាយទឹកនិងកាហ្វេរផងដែរ វាក្លាយទៅជាទម្លាប់ប្រចាំថ្ងៃទៅហើយ។
ក្រុមឈ្មួញដឹកទំនិញបានបន្តថា ការដឹងទំនិញឆ្លងកាត់ស្ថានីយ៍ជញ្ជីងលើសទម្ងន់ឬមិនលើសទម្ងន់ ក៏តម្រូវឱ្យបង់លុយតាមការកំណត់ដែរ មិនគូរណាលោក ព្រួញ រិទ្ធថា ប្រធានមន្ទីរសាធារណការនិងដឹកជញ្ជូនខេត្ដបាត់ដំបងបណ្ដែតបណ្ដោយឱ្យប្រធានស្ថានីយជញ្ជីងថ្លឹងរថយន្តធ្វើអ្វីៗតាមអំពើចិត្តនោះទេ ព្រោះតែមូលហេតុនេះហើយទើបក្រុមឈ្មួញអ្នករកស៊ីដឹកទំនិញបើករថយន្តភាគច្រើនបានព្យាយាមគេចវាងតាមផ្លូវផ្សេងៗពីព្រោះតែមន្ត្រីនៅប្រចាំការនៅស្ថានីយ៍មួយនេះទារលុយច្រើនៗពេកទោះបីជាមានការលើសទម្ងន់បន្តិចបន្តួចក៏ដោយ។
សូមបញ្ជាក់ផងដែរថា ពេលរថយន្តបើកទៅជិតដល់កន្លែងថ្លឹងគេឃើញតៃកុងឡានរត់ចូលទៅក្នុងបន្ទប់អ្នកថ្លឹងរថយន្តមុន តើមូលហេតុអ្វីជាអាថ៌កំបាំងនៅស្ថានីយ៍ថ្លឹងរថយន្តនេះ?។
ប្រភពពីវីដេអូខ្លីបមួយបានបង្ហាញថា ប្រសិនបើយើងដាក់ទំនិញលើសទម្ងន់ យើងកុំទាន់ចូលថ្លឹង ត្រូវប្រកាសជញ្ជីងមុនហើយរត់ទៅជួបដើម្បីប្រកាសជញ្ជីង បើលើស ១០ ឬ២០ តោនគេយកខ្ទង់៦ម៉ឺនរៀល ទៅ៧ម៉ឺនរៀល ហើយយើងមិនបាច់ថ្លឹងទេឱ្យតែយើងប្រកាសគេមុន។(សូមស្តាប់និងទស្សនាវីដេអូខ្លីបទាំងស្រុង)
បញ្ហានេះហើយក្រុមអ្នកបើកបររថយន្តនឹងឈ្មួញរកស៊ីដឹកទំនិញតូចធំក៍សូមសំណូមពរទៅដល់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ព្រមទាំង លោក សេង ឈួន រដ្ឋលេខាធិការក្រសួង និងជានុប្រធានគណៈកម្មការសម្របសម្រួលជញ្ជីងថ្លឹងរថយន្តចល័តទូទាំងប្រទេស ជាពិសេសទៅទៀត លោក សុខ លូ អភិបាលនៃគណៈអភិបាល ខេត្ត បាត់ដំបង គួរដាក់ការស៊ើបអង្កេតឱ្យបានស៊ីជម្រៅផងទាន ទៅលើប្រធានស្ថានីយ៍ជញ្ជីងថ្លឹងរថយន្តឈ្មោះហេង ប៊ុនលី ជាមន្ត្រីនៅក្រោមឱវាទ ដែលកំពង់តែប្រែក្លាយជាជញ្ជីងថ្លឹងរថយន្ត ទៅជាជញ្ជីងថ្លឹងលុយតាមរបៀបជិះសេះលែងដៃនោះទេ។
ចំពោះករណីខាងលើនេះអង្គភាពសារព័ត៌មានខ្មែរឦសានយើងខ្ញុំមិនអាចធ្វើការទំនាក់ទំនងដើម្បីសុំការស្រាយបំភ្លឺបានទេដោយពុំមានលេខទូរស័ព្ទទំនាក់ទំនង៕
អង្គភាពខ្មែរឦសានយើងខ្ញុំនៅតែរង់ចាំការបកស្រាយបំភ្លឺបន្ថែមពីគ្រប់ភាគីដែលពាក់ព័ន្ធគ្រប់ពេលនិងម៉ោងធ្វើការ។
https://web.facebook.com/share/v/1EKgJAdEaB/