ប្រជាពលរដ្ឋនៅក្នុងភូមិអ៊ុម៉ាល់ ខេត្តកំពង់ចាមបានទទូចសុំដល់អាជ្ញាធរគ្រប់លំដាប់ថ្នាក់មេត្តាជួយជួសជុលផ្លូវលំមួយខ្សែរដោយមានការលំបាកធ្វើដំណើរជាខ្លាំង
កំពង់ចាម៖ ប្រជាពលរដ្ឋនៅ ភូមិអ៊ុម៉ាល់ ឃុំបាធាយ ស្រុកបាធាយ ខេត្តកំពង់ចាម បានធ្វើការទទូចសុំដល់អាជ្ញាធរ ក៏ដូចរាជរដ្ឋាភិបាលគ្រប់លំដាប់ជាន់ថ្នាក់សូមឱ្យអាជ្ញាធរ ឃុំ ស្រុក ខេត្តកំពង់ចាម ព្រមទាំងរាជរដ្ឋាភិបាលមេត្តាជួយផ្លូវថ្នល់មួយខ្សែរ ដែលមានប្រវែងជាង៧គីឡូម៉ែតដើម្បីជួយសម្រួលដល់ពួកគាត់ងាយស្រួលក្នុងធ្វើដំណើរប្រកបមុខរបរអាជីវកម្ម និងជួយសម្រួលដល់កម្មករកម្មការិនី និងសិស្សានុសិស្សធ្វើដំណើរទៅសាលារៀន ឬក៏ធ្វើការនៅរោងចក្រ ព្រោះពួកគាត់សព្វថ្ងៃកំពុងជួបការលំបាកក្នុងការធ្វើដំណើរ និងដឹកកសិផលជាដើមដោយផ្លូវនេះលិចទឹកជារៀងរាល់ឆ្នាំផងដែរ។ ដូច្នេះហើយពួកគាត់នៅក្នុងភូមិអ៊ុម៉ាល់ ទាំងមូលសុំឱ្យរាជរដ្ឋាភិបាល ក៏ដូចជាអាជ្ញាធរមូលដ្ឋានជួយជួសជុលផ្លូវមួយខ្សែរនេះជូនពួកគាត់ដោយក្តីអនុគ្រោះផង។
ជាក់ស្ដែងកាលពីថ្ងៃអាទិត្យ០២ ខែវិច្ឆិកា ឆ្នាំ២០២៥ ប្រជាពលរដ្ឋនៅក្នុងភូមិអ៊ុម៉ាល់ បានស្នើសុំឱ្យអង្គភាពគេហទំព័រខ្មែរឦសានជួយផ្សព្វផ្សាយទៅដល់អាជ្ញាធរក៏ដូចរាជរដ្ឋាភិបាលគ្រប់លំដាប់ជាន់ថ្នាក់ដើម្បីឱ្យលោកបានជ្រាបជាព័ត៌មាន និងនៅថ្ងៃ០៤ ខែវិច្ឆិកា ឆ្នាំ២០២៥ ខាងមុខនេះវត្តខ្លាគ្រហឹម ស្ថិតនៅភូមិអ៊ុម៉ាល់នេះនឹងប្រារព្ធធ្វើពិធីបុណ្យកឋិនទាន សូមឱ្យឯកឧត្តម លោក លោកស្រី អ្នកនាងកញ្ញា មេត្តាជួយជាបច្ច័យខ្លះៗដើម្បីជួសជុលផ្លូវមួយខ្សែរខាងលើនេះផង។
សូមទស្សនាវីដេរអូសម្ភាសន៍ជាមួយប្រជាពលរដ្ឋផ្ទាល់