តើអ្នកស្រី លាង មួយងីម មានអំណាចអ្វីបានជាហ៊ានរំលោភយកដីដែលជាកម្មសិទ្ធិស្របច្បាប់របស់អ្នកដទៃទៅជួលឱ្យអ្នកគេ ដោយសម្អាងថាជាដីកម្មសិទ្ធិរបស់ខ្លួនទៅវិញ
កំពង់ធំ៖ ថ្មីៗនេះមានរឿងរំលោភដីធ្លីយ៉ាងអយុត្តិធម៌កាលពីថ្ងៃ១៥ ខែ តុលា ឆ្នាំ២០២៥ នេះក្រុមគ្រួសាររបស់អ្នកស្រី គុយ មឿន រួមទាំងកូនៗ ព្រមទាំង០៣គ្រួសារទៀត ស្ថិតនៅភូមិត្រពាំងឫស្សី ឃុំក្រយា ស្រុកសន្ទុក ខេត្តកំពង់ធំ ដែលមានផ្ទៃដីចំនួន ២១.៨0 ហិកតា បានបែងចែករួចអស់ទៅហើយ។
បើតាមការរៀបរាប់របស់អ្នកស្រី គុយ មឿន ដែលជាម្ចាស់កម្មសិទ្ធិបានប្រាប់មកអ្នកសារព័ត៌មានយើងថា ឈ្មោះ លាង មួយងីម ដែលរស់នៅ ភូមិ១០មករា ឃុំបុស្សខ្នុរ ស្រុកចំការលើ ខេត្តកំពង់ចាម បានចូលមករំលោភបំពានបោះតង់ និងបានឱ្យបក្សពួកមកបំពានយកដីរបស់គាត់ទៅជួលឱ្យអ្នកដទៃ ទាំងដែលដីនោះជាកម្មសិទ្ធិរបស់គាត់រួមទាំងដីដែលគាត់បានកាន់កាប់ជាមួយកូនគាត់ទាំងអស់គ្នាជាច្រើនឆ្នាំមកហើយមានឈ្មោះដូចខាងក្រោម
- អ្នកស្រី គុយ មឿន មានទំហំ ៦.២០ ហិកតា
- លោក ធុន ប៊ុនធឿន មានទំហំ ៦.៤០ ហិកតា
- លោក បេង វុត្ថា មានទំហំ ៩.២១០ ហិកតា
សរុប ២១.៨០ហិកតា នៅតំបន់បុស្សតាម៉ាន់ ស្ថិតក្នុងភូមិត្រពាំងឬស្សី ឃុំក្រយា ស្រុកសន្ទុក ខេត្តកំពង់ធំ។
អ្នកស្រី គុយ មឿន បានបន្តទៀតថា ដីនេះភូមិឃុំបានទទួលស្គាល់ដោយស្របច្បាប់មានទាំងលិខិតកាន់កាប់ទាំងអស់ ស្រាប់តែឈ្មោះ លាង មួយងីម មករំលោភបំពានដោយទាំងគាត់ពុំដែលស្គាល់គ្នាសោះ ហើយពុំដែលមានទំនាក់ទំនងអ្វីទាំងអស់។
ក្នុងករណីខាងលើនេះអង្គភាពយើងពុំអាចទំនាក់ទំនងសុំការបំភ្លឺពីអ្នកស្រី លាង មួយងីម បានទេព្រោះខលមិនចូលតាមរយៈលេខទូរសព្ទ ០៦៦ ៨៨៨ ៨៤៤។
ក្រោយពីរអាជ្ញាធបានទទួលការរាយការពីរម្ចាស់ដីទាំងបីគ្រួសារខាងលើ និងមានការទទួលស្គាល់ពីអាជ្ញាធ ភូមិឃុំ មានការចុះហត្តលេខា នឹងត្រាផងដែរ ពីរសាម៉ីពាក់ព័ន្ធក្នុងមូលដ្ឋាន អ្នកស្រី គុយ មឿន ក៏បានអំពាវនាវទៅដល់អាជ្ញាធរគ្រប់លំដាប់ជាន់ថ្នាក់សូមមេត្តាពិនិត្យរាល់ឯកសារឱ្យបានជាក់លាក់និងរកយុត្តិធម៌ជូនដល់ក្រុមគ្រួសារគាត់ផង។
អ្នកស្រីបានបន្តប្រាប់អង្គភាពយើងខ្ញុំថា រឿងនេះផ្ដើមចេញមកដោយសារអ្នកស្រីធ្លាប់មានការពាក់ព័ន្ធរកស៊ីប្រាក់កម្ចី យកដីដាក់បញ្ចាំពីរឈ្មោះពីលោក ធុន ប៊ុនថន និង ប្រពន្ធឈ្មោះ លីតុលា តែការរកស៊ីរឿងរបស់អ្នកស្រី និង លោក ធន់ ប៊ុនថន ប្រពន្ធឈ្មោះ លី តុលា រស់នៅក្នុងភូមិឈើទាលជ្រុំ ឃុំក្រយា ស្រុកសន្ទុក ខេត្តកំពង់ធំ នោះជារឿងកន្លងហួសទៅហើយ ដោយរឿងនោះមានវិវាទត្រូវបានអ្នកស្រីប្ដឹង ឈ្មោះ ធុន ប៊ុនថន ទៅតុលាការសាលាដំបូងខេត្តកំពង់ធំ និងបានបន្តប្ដឹងទៅដល់សាលាឧទ្ធរត្បូងឃ្មុំ និងមានសំណងសងទៅឈ្មោះលាងមួយងីម រួចផងដែរ។
តែមួយរយៈនេះស្រាប់តែឈ្មោះ លាង មួយងីម យល់ច្រឡំទីតាំងដីដែលរក្សាការពារទុក ពីឈ្មោះ ធន់ ប៊ុនថន នោះគឺជាដីផ្សេង ចំណែកដីដែលលោកស្រីជួលឱ្យគេចំនួន១០ហិកតា នោះ មិនមែនជាដីដែលគាត់ប្ដឹងផ្ដល់ជាមួយ ឈ្មោះ ធន់ ប៊ុនថន នោះទេគឺទីតាំងខុសគ្នា ហើយរឿងនោះក៍មានឯកសារបញ្ជាក់ឱ្យឈ្មោះ លាង មួយងីម ដែរ។
អង្គភាពយើងផ្សាយតែរឿងពិតមានចេតនាញុះញង់ឬបង្កាច់បងខូចទៅដល់ស្ថាប័នឬអង្គភាពណាមួយឡើយផ្សាយទៅតាមក្រមសីលធម៌និងវិជ្ជាជីវៈនៃរបបសារព័ត៌មាននិងរង់ចាំការបកស្រាយគ្រប់ភាគីដែលពាក់ព័ន្ធគ្រប់ពេលម៉ោងធ្វើការ។សូមអរគុណ៕
អត្ថបទដោយ រឿន យ៉ត